पावसातले मृगजळ

आजुबाजुला पाउस पडत होता
अंगाला थंड वारा झोंबत होता
पण मनाचा पांथस्थ, वाळवंटात
जणु तुला शोधत होता

विजांचा कडकडाट होता
ढगांचा गडगडाट होता
पण मनात मात्र माझ्या एकांताचा
करूण आकांत होता

थेंबांचा वर्षाव होता
मृदगंधाचा फाया होता
पण मनात मात्र तुझ्या अबोलीचा
घमघमणारा सुगंध होता

सृष्टीला हिरवा साज होता
आभाळात इंद्राचा चाप होता
पण मनातल्या मस्र्स्थळावर
तुझा आठव गहिरा होता

पावसाचा भर ओसरला होता
पण तुझ्यासाठी तहानलेला माझा जीव,
डोळ्यातल्या पाण्यात
तुझे मृगजळ शोधत होता...