खरा बिग बॉस

काल बायको बिग बॉस बघत असताना मी तिला विचारलं,
"काय ग, ह्या बिग बॉसच्या घरात जाणाऱ्यांचा I.Q. तपासतात का कधी?"
उत्तरादाखल एक जळजळीत कटाक्ष मिळाला.
"जाणाऱ्यांचा जाऊ दे पण पाहणाऱ्यांचा I.Q. तरी...?"
उत्तरादाखल एक ........ जाऊ दे. घरातल्या गोष्टी कशाला बाहेर सांगा.

असो. तर तेव्हा मला कळलं की घरातला खरा 'बिग बॉस' कोण ते! मीच आता बिग बॉसचे घर शोधत आहे. बिग बॉसच्या कट्टर फॅनला (आणि त्यात सुद्धा स्वतःच्या बायकोला) असा प्रश्न विचारून माझ्याच low I.Q. चा अर्थात मुर्खपणाचा पुरावा सादर केला. कदाचित त्या निकषावर बिग बॉस घरात घेतीलही.

आणि तसं बघायला गेलं तर बिग बॉसचा अजुन दूसरा कुठला Selection Criteria असेल असं वाटत तरी नाही...

बायको

लग्न झालेले सगळे पुरुष जरी आपापल्या बायकांना माहेरी पाठवण्याच्या मागे असले तरी मनातून प्रत्त्येकाला माहीत असते की तो आता एकटा पडणार आहे. घरातील त्या अतिशय महत्वाच्या स्त्रीची कमतरता फक्त तोच जाणून असतो. वर वर बायकोच्या माहेरी जाण्यावार तो कितीही हसत असला तरीही आतून होणारी घुसमट तो कोणालाही सांगू शकत नाही.