खरा बिग बॉस

काल बायको बिग बॉस बघत असताना मी तिला विचारलं,
"काय ग, ह्या बिग बॉसच्या घरात जाणाऱ्यांचा I.Q. तपासतात का कधी?"
उत्तरादाखल एक जळजळीत कटाक्ष मिळाला.
"जाणाऱ्यांचा जाऊ दे पण पाहणाऱ्यांचा I.Q. तरी...?"
उत्तरादाखल एक ........ जाऊ दे. घरातल्या गोष्टी कशाला बाहेर सांगा.

असो. तर तेव्हा मला कळलं की घरातला खरा 'बिग बॉस' कोण ते! मीच आता बिग बॉसचे घर शोधत आहे. बिग बॉसच्या कट्टर फॅनला (आणि त्यात सुद्धा स्वतःच्या बायकोला) असा प्रश्न विचारून माझ्याच low I.Q. चा अर्थात मुर्खपणाचा पुरावा सादर केला. कदाचित त्या निकषावर बिग बॉस घरात घेतीलही.

आणि तसं बघायला गेलं तर बिग बॉसचा अजुन दूसरा कुठला Selection Criteria असेल असं वाटत तरी नाही...

देवधर्म

आचार विचार
टाकला गहाण
आंधळी वणवण
फुकटची

रात दिनी चिंता
काळज्या वहाव्या
लागती, दैना
आयुष्याची

ह्याच्या मागे कोण
आहे कर्ता-करवीता
सांगती धर्म सारे
बोम्बलून

देव माणसाचा की
माणूस देवाचा
ह्याचा विचार
कोणीही ना करी

धर्म आपापले
आवडती सगळ्यांना
दुसऱ्या धर्माचे
आम्हाला वावडे

माझा तोच देव
माझा तोच धर्म
दुसऱ्याचे ते
पापी करंटे कारटे

जिथे कुठे आहेस, देवा
दडून बसला
असा सामोरी ये ना
जगासाठी

आला आवाज वरून

"माणसाची रे लेकरं
माझी रुपेच आहेत
आरशात स्वतःला
नीट पाहून घे ना

कशा फुका चालवला
हा सावळा-गोंधळ
माणसातच देव-धर्म
तुम्ही कवळावा...